Никола Јокиќ пред една недела стана МВП во НБА лигата. Неговиот следен договор ќе биде најголемиот во историјата на кошарката.
Во 2018 година, српскиот центар потпиша петгодишен договор со Денвер вреден 147 милиони долари, а неговиот следен договор ќе биде најголемиот досега, бидејќи со освојувањето на наградата МВП, тој добива можност да потпише super max договор. Боби Маркс од ESPN објави дека Јокиќ од 2023 до 2028 година треба да заработи вкупно 241 милиони долари.
И покрај тоа што е суперѕвезда и супербогат, далеку поголема ѕвезда од неговиот сонародник Новак Ѓоковиќ, најбогатиот тенисер во историјата, со заработка од 150 милиони долари од турнири, Јокиќ по којзнае кој пат се покажа како антиѕвезда.
Одморот по крајно исцрпувачката сезона во НБА лигата го поминува на дестинација која во никој случај не е гламурозна или модерна: неговиот роден Сомбор. Јокиќ се релаксира и во прашината на градот Војводина, кадешто камерите на РТС го уловија големиот љубител на коњи како се вози во едносед со својот коњ на хиподром.
Јокиќ многу ја растажи Србија објавувајќи дека нема да игра за репрезентацијата во квалификациите за Олимписките игри. Селекторот Игор Кокошков најави дека ќе разговара со Јокиќ со цел да го убеди да игра за Србија во Токио, доколку обезбеди одење на ОИ. Сега знае и каде да го побара.
