Англискиот фудбалски гигант Манчестер Јунајтед објави дека нема да може да смета на аргентинскиот стопер Лисандро Мартинес до крајот на сезоната поради скршена коска на стапалото на првиот натпревар од четвртфиналето на Лига Европа против Севиља, додека вториот стопер на Јунајтед Рафаел Варан ќе биде надвор од терените неколку недели.
Мартинес се повреди во 86. минута од натпреварот и мораше да биде изнесен од теренот, додека Варан ја напушти играта на полувремето.
Составот од Олд Трафорд е пред тежок распоред во последните месец и половина.
Покрај Лига Европа и домашното првенство во кои се борат за едно од првите четири места кои водат во Лигата на шампионите, Манчестер Јунајтед наскоро го очекува и полуфиналето на англискиот ФА Куп.
