Голманот на италијанскиот клуб Џеноа, Федерико Маркети го оставил неговото Ferrari во перална за автомобили додека бил на тренинг и после тоа открил дека неговиот болид е всушност целосно уништен.
Италијанските медиуми пишуваат дека автомобилот на Маркети го уништил вработен во автопералната, кој наводно решил да се повози со скапото Ferrari и удрил во неколку други автомобили кои биле паркирани во близина.
Новинската агенција ANSA ја пренесува оваа информација, но не дава дополнителни новости за здравствената состојба на возачот и каква реакција имал голманот на Џеноа.
Фотографиите и видеото покажуваат дека автомобилот претрпел сериозни штети и нема сомнеж дека на крајот сметката ќе ја плати несовесниот вработен кој решил на своја рака да ризикува и да седне зад воланот на ваква „ѕверка“.
Маркети е дел од Џеноа од 2018 година, а претходно бранеше за Лацио од 2011 година и за Каљари.
