Новите ограничувања за влез во Австрија по престојот во една од таканаречените „КОРОНА-ризични земји“ ќе стапат на сила на 19 декември, соопшти австриското МВР.
Мерката според која сите оние што се враќаат од земји со голем број на заразени лица, односно со двонеделен број на заразени лица над 100 на 100.000 жители, мора да поминат десетдневен карантин, ќе важи до 10 јануари.
Прекинувањето на десетдневниот карантин, според одлуката на Владата објавена вчера, е можно само по пет дена со негативен PCR тест.
Министерството посочува дека задолжителниот карантин важи само за лицето кое се вратило од патувањето, но не и за другите членови на семејството, иако тие живеат во исто домаќинство.
Со оваа мерка, австриската влада сака да ги спречи граѓаните од Западен Балкан и Турција да патуваат во нивните земји на потекло за време на божикните празници.
Фактот дека мерката важи до 10 јануари се објаснува со фактот дека сака да го вклучи православниот Божик на 7 јануари, кој многумина го слават со семејство во својата татковина.
Острите мерки се однесуваат на сите, без оглед дали се австриски државјани или странци, велат од Министерството.
Само прекуграничните работници, како и лицата кои морале да патуваат поради работа, се ослободени од мерката задолжителен карантин, бидејќи сите соседни земји на Австрија се сметаат за КОРООНА-ризични земји.
Здружението на индустријалци од Долна Австралија (IVNOe) ја критикуваше австриската влада пооради карантинот за патници, нарекувајќи го „непотребна бирократска бариера“.
Претседателот на IVNOe, Томас Салцер, побара можност за прекин на карантинот со негативен тест.
„Зошто се воведува масовно тестирање, ако со овие брзи тестови не можеме да ги опфатиме повратниците од патување?“, праша тој.
Според него, оваа мерка негативно ќе влијае на странската работна сила, но и на австриските експерти со работа во странство.
Исто така, Австријците кои живеат во странство нема да можат, како што вели, да го поминат Божик со своите семејства.
