Легендарниот голман Икер Касиљас на Twitter објави дека е хомосексуалец, што предизвика бројни реакции во јавноста. Набргу потоа ја избриша споменатата објава и објасни декa профилот му е хакиран.
„Се надевам дека ќе ме почитувате. Јас сум хомосексуалец“, кратко напиша Касиљас, по што брзо ја избриша објавата.
Потоа се огласи уште еднаш и овој пат истакна дека профилот му е хакиран, па им се извини на пријателите и на ЛГБТ заедницата.
„Профилот ми е хакиран. За среќа, сѐ е како што треба. Им се извинувам на сите мои пријатели и секако, уште едно извинување на ЛГБТ заедницата“, напиша Касиљас.
Во кариерата три пати ја има освоено Лигата на шампиони, пет пати беше првак на Шпанија, додека со репрезентацијата освои едно светско и две европски првенства. Цели 16 години бранеше за Реал Мадрид и има над 500 настапи. Кариерата ја заврши во редовите на Порто во август, 2020 година откако доживеа инфаркт.
Беше оженет со новинарката Сара Карбонеро со која има две деца. Се разведоа во 2021 година, а шпанските медиуми пишуваат дека сега е во нова врска со Марија Хозе Камачо.