Неименуван фудбалер од англиската Премиер лига за таблоидот The Sun зборуваше за тоа дека е хомосексуалец, но истакна и дека тоа никогаш не би можел да го каже јавно.
Тој се плаши од осудата што би следела на стадионите во Англија.
„Сега е 2021 година и претпоставувам дека би можел да им кажам на сите кој сум навистина, но има некои фанови кои сѐ уште живеат во 80-тите. Сакам да бидам отворен кон луѓето бидејќи тоа е она што сум и со што се гордеам. Вистина е, сепак, дека во тој случај ќе ме распнат“, рече фудбалерот и додаде:
„Кога играм фудбал, се чувствувам дека навивачите можат да погодат дека сум геј и дека ме осудуваат за тоа. Дали делувам феминизирано? Дали може да се претпостави по облеката што ја носам надвор од теренот? Ме уништува психички и застрашувачки е“, истакна неименуваниот фудбалер.
