Седумкратниот шампион во Формула 1, Луис Хамилтон, на работодавачите во Mercedes им соопшти дека пред себе има уште 5 години кариера.
До минатата сезона, Хамилтон доминираше на патеката, но денес 37-годишникот е без победа во тековната сезона, но и со највисок договор меѓу конкурентите на патеката.
Според BBC, Хамилтон во последната сезона на договор со Mercedes, вози за околу 46 милиони евра. Во 17 трка сезонава освои 170 бодови и се најде на шестото место.
„Често разговараме, минатата недела седнавме и ми кажа дека пред себе има уште пет години трка. Ме праша што мислам за тоа. Искрени сме еден кон друг и знам дека тој ќе биде првиот што ќе каже дека не може повеќе да се трка кога ќе почувствува дека реагира премногу бавно. Воопшто не се сомневам дека кога ќе го продолжиме договорот, а до тоа ќе дојде, отворено ќе разговараме за предизвиците што ги носи иднината пред нас“, призна Тото Волф, шеф на тимот на Mercedes.
Ако Хамилтон потпише петгодишно продолжување на договорот, ќе вози до 42-годишна возраст.