Откако мина две недели на врвот како најгледана серија на глобално ниво, серијата „Wednesday“ е заменета со документарната серија на принцот Хари и Меган Маркл.
Документарната серија го следи животот на војводата и војвотката од Сасекс по напуштањето на британското кралско семејство и веќе е тема на различни контроверзии откако се појави на Netflix.
Првата епизода беше прикажана на 8 декември и предизвика бројни реакции, а некои дури и се заканија дека ќе се откажат од претплатата ако документарецот не биде отстранет од платформата.
Но, и покрај сите критики, Хари и Меган ќе заработат 112 милиони долари и се предвидува дека серијата ќе биде една од најгледаните во историјата на Netflix.
„Никој не знае што се случува зад затворена врата. Морав да направам сè што можев за да си го заштитам семејството“, изјави Хари за магазинот People.
Последните три епизоди излегуваат на 15 декември, а во јануари ќе бидат објавени мемоарите на Хари.
