Борусија Дортмунд синоќа ја победи Херта со 5:2 во гости, а играчот кој го обележа натпреварот беше Ерлинг Холанд.
Неверојатниот Норвежанец постигна хет-трик помеѓу 47-та и 62-та минута и подоцна постигна уште еден погодок.
Тренерот Лусјан Фавр го извади од игра во 85-та минута и го замени со 16-годишниот Јусуф Мукоко кој со тоа стана најмладиот играч во историјата на Бундеслигата.
Откако го извади, тренерот Фавр го праша Холанд дали постигнал три гола. Холанд му одговори дека постигнал четири, по што и двајцата се насмеаја
„Не знаеше колку голови забив, па му реков дека постигнав само четири бидејќи ме извади од игра. Сега сум малку лут, но што е тука е“, се пошегува Холанд по натпреварот, во интервју за ESPN.
Со овие четири гола, Норвежанецот дојде до вкупно 15 на 12 натпревари оваа сезона, а со десет погодоци во шампионатот заостана само еден гол зад Роберт Левандовски. Тој беше заменет со вундеркиндот на Борусија, Јусуф Мукоко, кому сите му предвидуваат одлична кариера.
„Момчето има 16 години и еден ден. Неверојатно е. Пред него е одлична кариера. Јас ја прејдов 20-ката, но што да направам", изјави Норвежанецот.
