Постојат растенија кои не само што се убави, туку поседуваат и цела низа корисни својства. Благодарение на овие карактеристики, тие значително ја подобруваат микроклимата на нашиот дом.
Еден од нив е чудесниот хлорофитум.
Ова растение ни најмалку не бара внимание и можете да го чувате на светлина или во сенка.
На светлина, хлорофитумот со текот на времето станува посветол, а пругите на неговите лисја се многу украсни, додека кај растенијата во сенка постепено исчезнуваат.
Хлорофитумот, наречен уште и зелен крин, има способност активно да го прочистува воздухот во просторијата. Многу ефикасно ги неутрализира супстанциите штетни за човечкото тело, како што се фенол, бензен, формалдехид и други, што се испуштаат во големи количини од современите завршни материјали и мебелот од иверица.
Многу ефикасно ги апсорбира издувните гасови. Затоа, ова растение е едноставно неопходно за сите што живеат на прв и втор кат.
Хлорофитумот е неопходен и во кујната, поради неговата способност активно да апсорбира јаглерод моноксид.
Ова растение е незаменливо во домовите на оние што пушат бидејќи зелениот крин совршено го неутрализира чадот од тутунот.
Покрај сето горенаведено, ова растение во затворен простор има изразен антимикробен и антибактериски ефект.
Следбениците на древната кинеска доктрина за фенг шуи исто така препорачуваат ова растение да се чува во домот.
Сите ние голем дел од животот го поминуваме дома и затоа е важно во него да создадеме пријатни услови за живот. Чистиот воздух без штетни примеси е основа на здравјето и затоа треба да го користиме хлорофитумот кој ни го дала мајката природа за прочистување на воздухот.
Хлорофитумот (Chlorophytum) има речиси 200 различни видови. Неговото природно место на планетава се суптропските региони на Африка, Австралија и Азија. Расте од 10 до 60 сантиметри во височина, а листовите можат да достигнат должина од 15 до 75 сантиметри. Коренот обично е стуткан во длабочина од 2 сантиметра.
Видот што обично е популарен за чување во домовите е Chlorophytum comosum и потекнува од Јужна Африка.
