Холандските цариници заплениле околу 1,3 тони кокаин скриен во два контејнери со банани во пристаништето Влисинген.
Контејнерите биле наменети за компанија во крајбрежниот град, која немала никаква врска со нелегалниот товар, соопшти синоќа Холандското јавно обвинителство.
Контејнерите пристигнале во Влисинген од Еквадор, минувајќи низ белгиското пристаниште Антверпен, се вели во соопштението.
Инспекторите проценуваат вредноста на дрогата на околу 95 милиони евра (101,2 милиони долари). Кокаинот бил поделен во пакувања од по еден килограм. Истиот потоа е уништен.
Специјална единица составена од сили на поморската полиција, царината, финансиската истрага и јавното обвинителство го истражува случајот.
