Со оглед на тоа што видеоиграта ќе биде пуштена за нешто повеќе од еден месец, не е ни чудо што се вжештува маркетингот за Cyberpunk 2077.
Studio CD Projekt Red секако веќе има обожаватели кои сигурно ќе ја купат новата видеоигра, но допрва почнуваат напорите за масовно привлекување на заинтересирани купувачи.
Серијата онлајн настани под наслов Night City Wire веќе некое време служи за приближување на корисниците на Cyberpunk 2077, а првиот маркетинчки трик што го искористија беше во 2019 година, кога открија дека Кијану Ривс сепак ќе продолжи да биде дел од видеоиграта.
Овојпат Ривс глуми во краткото видео за рекламата што беше прикажана за време на првиот натпревар од финалето на НБА лигата.
Додека Ривс зборува, музиката во позадина е песната на Били Ајлиш, „Bad Guy“.
"Што значи да се биде криминалец во 2077 година? Криминалец си само ако те фатат. Night City ти дозволува да станеш било кој или било што, ако твоето тело може да ја плати цената", вели Ривс во видеото.