Многу е важно да ги препознаете и да ги избегнувате оние видови јаглехидрати кои не се добри за вашето тело, но и да сфатите кое време е најдобро или најлошо за консумација на јаглехидрати.
„Најлошото време за консумација јаглехидрати зависи од поединецот така што ќе мора да го процените вашето тело и личниот животен стил“, вели нутриционистот Реда Елмарди од StrongChap.com.
Ако не вежбате, а имате неактивна работа, немојте да јадете оброци со висок процент на јаглехидрати за појадок, ручек и вечера, туку исфрлете ги јаглехидратите од еден или два оброци, e нејзиниот совет.
„Ако пак сте активни во текот на денот, тогаш е во ред да јадете јаглехидрати, само немојте да претерувате со калориите“, вели Елмарди.
Во овие ситуации повеќето луѓе би требало да избегнуваат јаглехидрати:
1. Навечер додека седат на кревет и гледаат ТВ
Најлошо е да консумирате јаглехидрати кога повеќе не ви треба енергија. За повеќето луѓе, тоа е навечер, кога времето го минуваме во седење.
2. Пред спиење
„Стекнете навики ограничувањето на јаглехидратите што ги внесувате да биде на два до три часа пред легнување“, советува Моргин Клер.
Експертот за исхрана Џош Акс советува 2 до 3 часа пред спиење да не јадете ништо за да го поттикнете варењето на храната и подобро да спиете.
3. Ако сте дијабетичар или сакате да ослабете
„Ако сте дијабетичар, веројатно ќе мора да бидете повнимателни во поглед на консумацијата на јаглехидрати“, вели Екс. „Можеби ќе треба да ја ограничите количината на житарки и овошје што го консумирате, но и да избегнувате преработени јаглехидрати и додадени шеќери во соковите“.
Исто така, ако сакате да слабеете, одлучете се на диета со малку јаглехидрати како што е кето диетата, која може да помогне во поттикнувањето на губење масти, советува Акс.
4. Ако поголем дел од денот седите
Кога сте неактивни или имате високо ниво на телесни масти, не е вистинското време за консумирање јаглехидрати.
„Телото може подобро да се носи со јаглехидрати во текот и по физичката активност“, вели нутриционистот Рајан Ендрус.
Но, наместо да се грижите кога би требало да внесувате јаглехидрати, фокусирајте се на изборот на вистинските видови јаглехидрати, советуваат нутриционистите.
Примери за здрави јаглехидрати се вклучени во зеленчук, цело овошје (не цедени сокови), цело зрно житарки, батат и сите видови компир, грав и мешунки, пишува Eat This, Not That.
