Не е секогаш лесно да ги јадеме главните оброци во денот секогаш во исто, однапред зацртано време, особено кога сме притиснати од обврски кои нè спречуваат да го правиме тоа.
Сепак, важно е да внимаваме кога јадеме за да се осигураме дека нашите тела ќе останат здрави што е можно подолго. Всушност, науката продолжува да ни покажува дека тајмингот на оброците може да влијае на нашите цели за слабеење, а конкретно дека јадењето подоцна во вечерните часови може да го отежне слабеењето, пренесува Eat This.
На пример, една неодамнешна мала студија објавена во списанието Clinical Endocrinology & Metabolism покажа дека оние кои вечерале во 21 часот наспроти оние кои го јаделе последниот оброк во 18 часот имале повисоки нивоа на шеќер во крвта следното утро, заедно со помала оксидација на маснотии.
Друга студија, објавена во списанието Nutrients, покажа дека јадењето подоцна во вечерните часови може да влијае на губење на тежината, бидејќи способноста на нашето тело да согорува калории може да биде помала ноќе отколку во остатокот од денот.
Една нова студија исто така покажа дека јадењето подоцна во текот на денот може да влијае на тоа како функционираат нашиот метаболизам и хормоните на гладот, што пак може да резултира со потешко губење на тежината.
Експертите откриле дека јадењето подоцна го зголемува чувството на глад, а во исто време ја намалува количината на енергија што се троши додека сме будни. Всушност, јадењето четири часа подоцна од вообичаеното влијае на нашето севкупно ниво на апетит и брзината со која согоруваме калории, како и складирање на маснотии и затоа потенцијалното губење на тежината.
Меѓутоа, експертите нагласуваат и дека секој човек има различна стапка на метаболизам и затоа има потреба од различен дневен внес на калории и сооднос на хранливи материи. Покрај правилното распоредување на оброците, најдобриот начин за слабеење (или спречување на ризикот од дебелина) е да јадете урамнотежена исхрана во редовни, постојани интервали.
