На Никола Јокиќ му фалеа две асистенции за нов трипл-дабл, бидејќи Денвер Нагетс толку лесно ги совладаа Атланта Хокс, што Србинот не мораше ни да игра во последната четвртина.
Денвер славеа со 126:103, а Јокиќ постигна 16 поени, 10 скока и осум асистенции, додека најдобар стрелец на Нагетс беше Џамајкл Грин кој влезе од клупа и постигна 20 поени за само 14 минути на паркетот.
Арон Гордон, кој дојде од Орландо во четвртокот како најголемо засилување во преодниот рок, дебитираше за Нагетс на овој натпревар. Веднаш беше очигледно дека одлично ќе се разбираат со Јокиќ, што ќе биде исклучително важно затоа што Гордон е играч кој одлично се движи во нападот без топка и навременото истрчување зад одбраната е еден на неговите од најсилни адути.
А ниту еден центар во светот нема таков преглед на играта и љубов кон додавањата со кои може да ги „храни“ играчите како Гордон цел натпревар. Таквата соработка ја покажаа веднаш уште во првата четвртина. Малку подоцна, одиграа pick-n-roll за ова атрактивно забивање:
Ако првиот заеднички натпревар на Јокиќ и Гордон е некаков показател, ќе биде вистинско задоволство да се гледаат овие двајца како „танцуваат“ заедно на теренот.
