Покрај драстично поскапениот гас, експлозивно поскапува и струјата, што е товар за многу потрошувачи. Навечер, кога светлото е исклучено, а вие лежите во кревет, има апарати за домаќинство кои „цицаат“ струја.
Без разлика дали се работи за кабел за полнење или интернет рутер - многу уреди непотребно ја зголемуваат сметката за струја ноќе. Но, постојат едноставни трикови за буквално да ги исклучите тие апарати за домаќинство од штекер ноќе и да заштедите струја.
Рутерот работи и троши струја 365 дена во годината и пред се 365 ноќи. Тоа секако се одразува на сметката за струја. Најдобар совет за да заштедите пари: исклучете го рутерот ноќе! Не само што заштедувате струја, туку и се заштитувате од хакерски напади.
Сте го наполниле мобилниот телефон и го оставате полначот во штекер? Внимавајте: полначот продолжува да користи струја и непотребно ви ја зголемува сметката за струја. Поради оваа причина, секогаш исклучувајте го по полнењето или користете повеќекратен штекер со прекинувач што може да се исклучи.
Мислиме дека кога ќе го исклучиме телевизорот преку далечинскиот управувач сме завршиле работа и спокојно си легнуваме. Но, телевизороот така продолжува да работи во stand-by режим, цела ноќ цицајќи струја. Стекнете навика да го исклучите од струја пред да си легнете и секако пред да излезете од дома наутро, ако сите членови на семејството излегуваат.
Можеби овие совети за заштеда на електрична енергија ви звучат занемарливо, но гледано на долг рок, не е на одмет да заштедите кај стигнете, нели?