Некаде толеранцијата е 0,5 промили, некаде помалку, некаде нема, но без разлика на прописите, немојте да пиете алкохол ако планирате да возите.
Лето е и луѓето патуваат. Кога се на одмор имаат тенденција да бидат поопуштени, па почесто консумираат алкохол.
Доколку седите зад воланот на возило, советот е да се држите подалеку од алкохол, во која било количина, па дури и најмала.
Управувањето на моторно возило под дејство на алкохол е една од водечките причини за предизвикување на сообраќајни незгоди со сериозни и фатални последици. Републичкиот совет за безбедност на сообраќајот на патиштата потенцира дека алкохолот сериозно ја нарушува способноста за безбедно управување на моторно возило и апелира дo возачите да не управуваат со истото под дејство на алкохол.
Штетното влијание на алкохолот на способноста за управување на моторно возило е научно потврдено и докажано во пракса, а управувањето на моторно возило под дејство на алкохол се санкционира во сите држави.
Водејќи се од фактот дека во различните држави има различен праг на толеранција, односно максимално дозволените количини на алкохол во крвта се различни, РСБСП изготви табеларен преглед со цел информација на возачите на моторни возила.
Дозволено количество алкохол во крвта за возачи, комерцијални возачи и возачи почетници прикажани во грамови на литар:
Заклучно со 2016 година.
Во однос на ограничувањата на алкохол кои се однесуваат за Македонија, во делот кој се однесува на професионални возачи и возачи почетници, важно е да се потенцира дека дозволените количини од 0,09 грамови на литар се минимални и се приближно еднакви на нула толеранција на алкохол во крвта за професионални возачи и возачи почетници.
