Перењето облека е секојдневна активност што ја извршуваме, но многумина не се сигурни колку често треба да ги перат фармерките.
Директорот на Laundryheap, Дејан Димитров, ја отстрани вечната дилема колку често да се мијат фармерките.
Димитров вели дека фармерките најдобро е да се перат после три носења, а не на секоја шеста недела како што често се препорачува.
„Ако ги носите повеќе од три пати, без да ги исперете, на нив се акумулираат пот, бактерии и мртви клетки од кожата“, објаснува тој.
Покрај чистењето, перењето на секои три носења на фармерките им ја враќа свежината и оригиналната форма.
Неговата колешка, Џојс Френч од HomeHow, откри и како да ги задржите фармерките да траат што е можно подолго.
„Не треба да ги перете премногу често, бидејќи тоа го уништува материјалот. Исто така, не треба да ги перете во врела вода или да ги ставате во сушара. Поради тоа фармерките ја губат еластичноста и се опуштаат", објаснува таа.
Понатаму, вели дека фармерките треба да се превртат нанадвор пред да ги ставите во машината, но и да го закопчате копчето. На тој начин ќе ја задржат вистинската форма.
