Началникот на полицијата од еден американски град ги спореди годишните трошоци за користење електричен патролен автомобил со полициско возило со бензински мотор.
Електричните автомобили сѐ повеќе се користат како полициски патролни автомобили ширум светот, а од примерот на оваа полициска Tesla во Индијана можете да видите колкава заштеда носат овие возила за полициската служба.
Шефот на локалната полиција, Тод Бертрам, ги стави на хартија трошоците за 12 месеци возење Tesla Model 3 SR +, а потоа ги спореди со трошоците за патролното возило Dodge Charger Pursuit во истиот период.
Вкупната разлика во парите потрошени за двата автомобила за годинава изнесува 6.755 долари, во корист на Tesla.
Приложената табела покажува дека заштедите се постигнати на два начина. Трошоците за погонската енергија биле значително пониски со електричниот автомобил, а Tesla бил значително поевтин и во однос на одржувањето - ниту еден долар не бил потрошен за одржување на Model 3 во цела година.
Имено, просечната цена на бензинот за Dodge Charger Pursuit беше помеѓу 300 и 500 долари месечно, а во декември дури 706 долари. Покрај тоа, Dodge Charger Pursuit, според полицијата, имал седум смени на маслото за 12 месеци, па биле потрошени над 2.000 американски долари и за одржување.
Вкупните годишни трошоци за Dodge Charger Pursuit беа 7.580 американски долари. Од друга страна, Tesla Model 3 SR + ја чинеше полицијата само 825 американски долари, а сите пари биле дадени за електрична енергија.
Бертрам исто така наведува дека Tesla бил поскап за набавка за околу 14.000 американски долари од бензинецот, па според него разликата во цената меѓу двете возила би била поништена по 24 месеци користење. Тоа значи дека купувањето Tesla ќе им се исплати по само две години употреба.
Во нашата земја полициските служби користат возила Škoda Yeti 2.0 TDI 4x4 кои во урбани услови трошат 6,26 литри на 100 километри. На отворен пат трошат 5,1 л/100 км, што значи дека средната потрошувачка им е 4,43л/100 км. Цената на ЕУРОДИЗЕЛ БС (Д-Е V) изнесува 50 ден/литар.
Дали би можеле да замислите електрични полициски возила на нашите улици?