Колку време е потребно за да се загрее електричен автомобил?

Германски автоклуб направи интересен тест во кој се обиде да покаже колку е потребно за загревање на внатрешноста на електричен автомобил.

И додека топлината е сеприсутна во класичен автомобил придвижуван од мотор со внатрешно согорување, па загревањето на кабината не е проблем, ситуацијата со електричните автомобили е сосема поинаква.

ADAC тестираше голем број електрични автомобили, од мали, евтини како Renault Zoe, до престижни претставници како Tesla Model Y и особено BMW iX. Целта беше автомобилот да се загрее од -10⁰C на +20⁰C, потоа да се одржи таа температура и во третата фаза повторно да се излади на амбиентална температура од -10⁰C.

Веќе по пет минути, сите автомобили испраќаат воздух загреан до 40⁰C до отворите, што дефинитивно не е случај со класичните мотори. Треба да ја почекате отпадната топлина додека моторот не се загрее. За работа на загревање на кабините потребни беа од 1,5 kWh (Hyundai Kona, Fiat 500e), до 2,3 kWh за VW ID.3.

Сепак, она што изненадува е брзината со која се загрева секој автомобил. Очекувано, најбрз во таа мисија беше и најскапиот модел BMW iX кој работата ја заврши за одлични 12,5 минути. Од друга страна, Renault Zoe, VW e-up! а Tesla Model Y не успеа да ја достигне саканата температура и по 40 минути. Достигнаа 14-15⁰C, а VW e-up! сè на сè 10⁰C.

После тоа доаѓаат перформансите на изолацијата. Се мери времето потребно за кабината да се олади до почетната температура. BMW повторно е најдобар, а Volkswagen е многу блиску. По половина час стоење со исклучено греење, температурата во Tesla е околу 5⁰C. Треба да се има на ум дека поединечните модели немаа иста почетна температура.

ADAC исто така утврди дека топлинската пумпа не е премногу корисна за греење. Заклучуваат дека поголема потрошувачка на енергија ќе биде забележлива во зима, особено на пократките делници. Исто така, авторите на студијата советуваат да се подобри топлинската изолација кај електричните автомобили.