Тренерот на Интер фатен на камера како вика и пцуе по Артуро Видал на вчерашниот натпревар на кој Чилеанецот направи пенал.
Интер синоќа го декласираше Кротоне со 6:2, но на тимот му тргна дури откако од игра беше изваден Артуро Видал. Чилеанецот за 45 минути успеа да биде крив за два гола на гостите со кои на полувреме се замина со резултат од 2:2.
Во 12. минута Видал го остави Николо Ѕанелато сам и овој постигна гол за водство на гостите, а во 36. минута нарави фаул за пенал со кој Кротоне израмни на 2:2, само неколку минути откако Интер поведе со 2:1.
Видал се расправаше со главниот судија Џанлука Аурелиано околу пеналот, а од клупата бесниот Антонио Конте почна да вика во Видал, зборови кои поради празниот стадион одекнаа и лесно беа снимени на камера.
„Артуро! Играј и не го дрви к*рот! Играј и не го дрви к*рот!“, беше фатен Конте како вика по Чилеанецот.
Потоа, за време на паузата го остави во соблекувалната, го стави Стефано Сенси на неговото место, а Интер постигна четири гола и победи со 6:2.
