Конте за бламажата во Словенија: По три недели почнувам да ја разбирам ситуацијата во Тотенхем

Тренерот на Тотенхем, Антонио Конте, даде прилично искрена изјава по поразот од неговиот тим и големиот срам против Мура во Конференциската лига.

Тотенхем беше поразен со 2:1 на гостувањето кај Мура, што е еден од најболните порази во историјата на клубот. Резултатот е уште поболен за „Спарс“ ако се земе предвид дека синоќа играа сите ѕвезди на клубот, без разлика дали од првата минута или влегоа во игра.

Италијанскиот стратег на прес-конференцијата не ја криеше тагата поради резултатот и рече дека почнува да сфаќа каква е ситуацијата во клубот.

„По три недели во Тотенхем, почнувам да разбирам каква е ситуацијата. Не е лесно. Во моментов Тотенхем не е на високо ниво“, изјави искрениот и разочаран Конте.

Италијанецот, да потсетиме, го презеде Тотенхем откако беше отпуштен Нуну Еспириту Санту, стратегот кој летово пристигна во клубот од Северен Лондон.

„Има голема разлика во однос на топ тимовите во Англија. Но, не смееме да се плашиме. Тука сум да работам и да ја поправам ситуацијата. Знам дека во овој момент ни треба трпение, време, и тука сум бидејќи знам дека има проблеми кои треба да се решат“.

Конте дојде во Тотенхем откако го напушти Интер со кој стана шампион на Италија. Си замина од тим кој игра во Лигата на шампионите, а сега води тим кој игра во новата лига на УЕФА, онаа најслабата - Конференциската лига. Да биде срамот поголем, ниту таму не му оди добро иако Тотенхем е во група со клубови како Рен, Витесе и Мура.

„Среќен сум да останам тука, но во исто време морам да бидам искрен и да кажам дека ни треба многу работа за да го издигнеме квалитетот на тимот“, додаде Конте.

Победата над Тотенхем за Мура беше прва во Конференциската лига откако до синоќа имаше само порази. На првиот натпревар во Лондон, Тотенхем ја прегази Мура со 5:1.

„Ако некој мисли дека пристигнал нов тренер, дека Конте освојувал во минатото и дека јас сум магионичар, тоа не е така. Единствената магија која можам да ја направам е работа. Да работам за да напредуваме, да ги внесам моите методи, моите идеи за фудбалот. Но, за тоа е потребно време“, заврши тој.

Со синоќешниот пораз Тотенхем го стави под знак прашалник пласманот во нокаут-фазата и во последното коло дома против лидерот Рен ќе мора да брка победа. Ова е втор пораз за Тотенхем во ова натпреварување откако претходно загуби со 1:0 на гости од Витесе, тогаш под водство на Нуну.

реклама

Русија го враќа ударот: Ќе носи војска на Куба и во Латинска Америка

Read more

Најпривлечната фудбалерка во светот ја потврди врската со Даглас Луис

Read more

Пукање во Украина: Војник со „калашников“ уби 5 чувари во воена фабрика

Read more

Најочигледниот знак дека ви треба повеќе витамин Д

Read more

Фудбал

Откриено зошто Роналдо го блокирал Transfermarkt на Instagram

Read more

Дресот на Баерн најкупуван во 2021, на ПСЖ само 9-ти

Read more

Најпривлечната фудбалерка во светот ја потврди врската со Даглас Луис

Read more

Скалони: Меси ми се довери дека ковидот силно го удрил

Read more
 

Спорт

Откриено зошто Роналдо го блокирал Transfermarkt на Instagram

Читај повеќе

Еспортот стана официјален спорт во земјава

Читај повеќе
  • play_arrow

Боливија - ракометен рекордер по неверојатни порази

Читај повеќе

Дресот на Баерн најкупуван во 2021, на ПСЖ само 9-ти

Читај повеќе

Најпривлечната фудбалерка во светот ја потврди врската со Даглас Луис

Читај повеќе

Скалони: Меси ми се довери дека ковидот силно го удрил

Читај повеќе
  • play_arrow

Трипл-дабл на Дончиќ за победа на Далас

Читај повеќе

Нови ковид правила во Премиер лигата

Читај повеќе
  • play_arrow

Медведев со голем пресврт обезбеди полуфинале на Австралија опен

Читај повеќе