Кремљ повторно се осврна на изјавата на американскиот претседател Џо Бајден за рускиот претседател Владимир Путин.
Претходно, Бајден во говор во Варшава изјави дека Путин „не може да остане на власт“. Портпаролот на Кремљ, Дмитриј Песков изјави дека овој коментар е „алармантен“ и со тоа продолжува вербалната војна меѓу Русија и САД, пренесе Sky News.
Бајден подоцна објасни дека САД немаат политички намери за промена на режимот во Русија.
„Не“, одговори Бајден на новинарско прашање дали всушност повикува на промена на режимот во Русија.
Бајден на крајот на говорот пред Кралската палата во Варшава во саботата изјави дека рускиот престедател Владимир Путин не треба да остане на таа функција.
По говорот на Бајден, претставник од Белата куќа изјави дека Бајден не повикал на промена на режимот туку мислел дека „на Путин не смее да му биде дозволено да има власт над соседите или регионот“.
Песков потоа порача дека Русите бираат кој ќе биде нивни лидер.
„Тоа не е одлука на Бајден. Русите бираат кој ќе биде претседател на Русија“, порача портпаролот на Кремљ.