Фудбалерот од средниот ред на Интер, Кристијан Ериксен, следната недела ќе се врати во Милано каде ќе му биде направен преглед на срцето.
Sky Sport Italia пишува дека Ериксен, кој е член на италијанскиот шампион Интер, следната недела ќе пристигне во Милано.
За време на неговиот настап за Данска на 12 јуни на Европското првенство, тој доживеа срцев удар и беше реанимиран на теренот. Веднаш беше префрлен во болница каде што беше опериран и му беше инсталиран дефибрилатор.
По лекарските прегледи во Интер Милан, ќе се одлучи кои се следните чекори и можностите за негово враќање на фудбалските терени, што во најдобар случај би било по најмалку шест месеци.