Менаџерот на Евертон, Френк Лампард, скапо го прослави победничкиот гол на неговиот тим против Њукасл.
Евертон го победи Њукасл со 1:0 во 99. минута благодарение на голот на Алекс Ивоби, а тој гол дојде откако неговиот соиграч Алан доби црвен картон во 83. минута. Токму поради противење на судиската одлука, второто полувреме беше продолжено, а Ивоби стана херој.
Лампард бурно го прослави победничкиот гол, но притоа ја скрши раката.
„Тоа се случи при славењето за голот, имав контакт со нешто. Ништо не удрив, но по две минути раката почна да ми се тресе и почувствував болка“, изјави Лампард.
Благодарение на оваа победа, Евертон сега е три бода над зоната за испаѓање.