Претседателот на Барселона е презадоволен од потпишувањето со Феран Торес од Манчестер Сити, па ги предупреди ривалите дека заспаниот џин се буди.
Жоан Лапорта вели дека неговиот клуб е назад на победничкиот пат откако го доведе напаѓачот на шпанската репрезентација кој на рати ќе ја чини Барса 55 милиони евра.
„И натаму сме за пример на фудбалскиот пазар. Сите нека бидат на готовс бидејќи се вративме. Ние сме пример, а примерот е тоа што Феран е тука. Ние повторно се воздигнуваме“, изјави Лапорта на прес-конференција.
„Работиме мирно. На добар пат сме да се засилиме зимава и работиме на тоа“, додаде.
Но, Барса има проблем со регистрацијата на новите играчи поради финансиските проблеми. Феран Торес можеби дојде, но Ла Лига сѐ уште не го регистрира. Истиот проблем го има и Дани Алвес кој уште во ноември се договори со клубот.
„Денес или утре, ќе го регистрираме Алвес и се надеваме дека истото што поскоро ќе направиме и со Феран. Тој е спектакуларно засилување. Феран Торес покажа огромна желба да дојде во Барса и сакам да му се заблагодарам за тоа“.
Барселона се поврзуваше и македонската единица Столе Димитриевски, но засега нема ништо ново на таа тема.