Денеска Северина објави уште две нови песни „Pravda za ljubav“, и „Nebo“ која е дует со Санди и KIMMV.
Откако ги објави првите две нови песни од новиот албум „Sorry“, насловната песна „Sorry“ и „Metak“, кои за само една недела беа прегледани 1,8 милиони пати и со тоа доминираа во trending на YouTube, Северина денеска објави уште две нови песни: „Pravda za ljubav“, и „Nebo“.
И додека „Pravda za ljubav“ е вистинска женска енергична песна, многумина нетрпеливо чекаа да слушнат како звучи новата верзија на „Nebo“, песната која ги одбележа деведесеттите.
„Ја сакам и почитувам Северина како пријателка долги години. Дефинитивно ја сметам за најголема ѕвезда на целиот регион, така што овој наш дует е голема чест и потврда за квалитетот на моите песни. Nebo е една од песните што ги одбележаа деведесеттите и мојата тогашна кариера. Слушнете како звучи во нов, тотално луд аранжман со Северина. Филип Милетиќ како продуцент на овој дует навистина ‘растури’, како што вели народот, и конечно можам јавно да зборувам за тоа, бидејќи верувајте ми - не е лесно да се работи дует со Северин една година и да мора молчи за тоа“, рече Санди Ценов.
Покрај песната „Nebo“, Милетиќ e автор на музиката, текстот и аранжманите за песната „Pravda za ljubav“, а тој е и композитор и музички продуцент на целиот нов албум на Северина, додека двата спота ги потпишува режисерот Немања Новаковиќ.
На таканаречената А-страна на новиот албум на Северина, публиката допрва ќе ја слушне песната „Sto stepeni“ што таа ја сними со L'Amiral, чија премиера се очекува исто така овој месец.