Хрватската единица бранеше во импресивна форма во Катар, но не успеа да ја сопре Аргентина со Меси.
Доминик Ливаковиќ се покажа како еден од најдобрите играчи вои репрезентацијата на Хрватска на Мундијалот вои Катар. Не само неговите добрани во активна игра, туку и одбраните на пеналите направија тој да отскокнува според прикажаното.
Сепак, синоќа против Аргентина не успеа да ги повтори бравурозните одбрани на пенали. Кога Лео Меси во 34. минута го изведе пеналот, биеше силно и високо, што беше неодбранливо за Ливаковиќ, иако ја погоди страната на која шутна Меси.
Токму Ливаковиќ беше и причината за ударот од белата точка откако претходно му застана на Хулиан Алварес на патот кон голот. Италијанскиот судија Доменико Орсато веднаш покажа пенал и му додели жолт картон на Хрватот, а со неговата одлука се согласија и од ВАР собата.
Прекршокот, сепак, предизвика полемики кај Хрватите и сите оние кои имаа симпатии кон „Ватрените“.
„Сите видовте, што да коментирам? Ма каков пенал, ни збор за такво нешто“, кратко Ливаковиќ прокоментира на прашањето за тоа дали направил фаул за најстрога казна.
Неговата Хрватска загуби со убедливо 3:0 откако потоа Алварес постигна два гола, па сега в сабота ја чека борбата за бронзата против поразениот од вечерашното полуфинале помеѓу Франција и Мароко.
