Трансфер вреден 127 милиони евра е договорен во пресрет на стартот на новата сезона од англиската елита помеѓу Ливерпул и Брајтон.
Ливерпул не претеруваше со трошењето во тековниов преоден рок, а потоа во пресрет на стартот на Премиер лигата реши да го одврзе кесето и со доведувањето на Мојсес Каиседо да го направи најскапиот трансфер во историјата на Премиер лигата, со оглед на тоа што за играчот од средниот ред на Брајтон ќе искешира дури 127 милиони евра.
Челси минатата сезона го сакаше постојаниот стартер на Брајтон, но неговата понуда беше посиромашна за помалку од 12 милиони евра, па момчето од Еквадор ќе биде под тренерска команда на Јирген Клоп. Штом ги договори условите за соработка со повеќекратниот европски првак и ги мине задолжителните лекарски прегледи.
Претходно, Ливерпул најмногу пари потроши за Вирхил ван Дијк (84.650.000) во 2018 година, додека премиерлигашкиот рекорд од ваков тип го држеше Енцо Фернандес, чиј трансфер од Бенфика во Челзи чинеше 121 милион евра.
Инаку, Брајтон го донесе Каиседо за „само“ 5 милиони евра од Индепендиенте дел Ваље во февруари 2021 година, што прво му се исплатеше многукратно на теренот, а сега и финансиски.