Жените кои сакаат да ги пренесат заштитните антитела поттикнати од вакцина против COVID-19 на нивните бебиња преку мајчиното млеко, треба да се одлучат за оние кои се засновани на mRNA, покажаа податоците објавени во понеделникот во списанието JAMA Pediatrics.
Станува збор за вакцини од Moderna или Pfizer/BioNTech.
За студијата, 124 млади доилки дале 17 примероци млеко во период од 100 дена.
Некои ја примија вакцината базирана на mRNA, а некои беа вакцинирани со векторската вакцина на Johnson&Johnson или AstraZeneca.
Научниците открија два типа на антитела во примероците од млеко - IgA антитела и IgG антитела, а се смета дека двата типа играат важна улога во заштитата на доенчињата.
Речиси сите доилки, 97 отсто од нив, кои биле вакцинирани со две дози на mRNA вакцина, во млекото имале детектабилни IgA антитела.
Само 39 проценти од мајките кои дојат ги имале овие антитела во млекото по две дози AstraZeneca, или 48 проценти од нив имале IgA антитела откако биле вакцинирани со единечна доза J&J.
Сите жени кои ги примиле двете дози на Pfizer/BioNTech, Modern или AstraZeneca исто така имале IgG антитела, во споредба со само 28 проценти од оние кои примиле вакцина J&J.
„Вакцините против ковид базирани на mRNA се оптимален избор за жените кои дојат и сакаат да ги пренесат антителата од мајчиното млеко на нивните доенчиња“, заклучија експертите.
Студијата беше спроведена од научници од Медицинскиот центар на Универзитетот Рочестер и Универзитетот во Њујорк.