Извршниот директор на американскиот производител на електрични автомобили Tesla Илон Маск денеска објави дека автомобилите на компанијата ќе можат да се плаќаат со криптовалутата биткоин.
„Ќе можете да купите Tesla со биткоини“, напиша претприемачот на својот профил на Twitter.
Опцијата за плаќање со биткоини ќе биде достапна надвор од САД кон крајот на 2021 година, додаде Маск.
Американската компанија Tesla на 8 февруари соопшти дека инвестирала 1,5 милијарди долари во биткоин и објави дека во блиска иднина ќе им овозможи на клиентите да плаќаат за нејзините автомобили во таа криптовалута.
„Една од најголемите компании во светот инвестираше во биткоин, што значи дека сите инвеститори во Tesla (или барем само еден фонд во [индексот] S & P-500) се изложени на тоа“, рече тогаш Маск.
Тој исто така поддржувал и други дигитални валути, како што е доџкоин.