Илон Маск купил билет за патување во вселената во вселенското летало на неговиот ривал, британскиот милијардер Ричард Бренсон, тврди Sunday Times.
Ракетата на Virgin Galactic, со екипаж од шест луѓе, успешно слета откако самостојно се вивна во вселената. Маск, сопственик на ривалската истражувачка компанија SpaceX, си обезбедил место на едно од патувањата на компанијата на Бренсон.
Маск платил депозит од 10.000 американски долари за да си обезбеди место, а датумот на патувањето не бил наведен.
Бренсон ја потврди информацијата во интервју за Sunday Times, додавајќи дека можно е да го возврати гестот со тоа што ќе купи билет за патување со SpaceX.
„Илон ми е пријател и можеби еден ден ќе патувам со едно од неговите вселенски летала“, рече тој.
Како дел од вселенската трка на милијардерите, SpaceX лансираше десетици ракети, вклучително и летови со екипаж, но самиот Маск сè уште нема летано.
Компанијата треба да го организира својот прв целосно приватен лет во вселената наесен.
Бренсон стана првиот сопственик-астронаут кој учествувал во мисијата, победувајќи го основачот на Amazon, Џеф Безос, кој планира да патува во вселената со неговото летало Blue Origin на 20 јули.
Туристите ќе платат околу 250.000 долари за вселенски лет на Virgin Galactic, што вклучува четири минути бестежинска состојба.
