Директорот на Tesla, Илон Маск лансира парфем наречен Burnt Hair. Вели дека за само неколку часа се продадени 10.000 шишенца, а заработката од продадените мириси сега изнесува милион долари.
„Работата со парфеми беше неизбежна, со оглед на препознатливоста на моето име. Зошто воопшто сум бил против тоа цело ова време“, напиша Маск на Twitter.
На неговата интернет страница пишува дека парфемот чини 100 долари, а испораката за заинтересираните би требало да почне од првото тримесечје на 2023 година. Маск и претходно инвестираше во различни бизниси.
Така, во 2020 година лансираше премиум текила бренд Tesla, по цена од 250 долари. Во јули продаваше кратки црвени пантолони во ограничена серија, за цена од 70 долари.
Маск има и големи амбиции, од населување на Марс до создавање нови одржливи енергетски извори. Во склоп на тој процес е сопственик на неколку компании меѓу кои Boring Company, Tesla и SpaceX.