Ирскиот ММА борач Конор Мекгрегор напорно тренира во пресрет на една од најголемите борби во неговиот живот, закажана на 10 јули против Дастин Поарје.
Шест недели пред мечот, Ирецот се пофали како изгледа на својот Instagram профил.
Мекгрегор уште еднаш покажа дека е во одлична форма, што тој самиот неколкупати го посочи, а доби и бројни комплименти од неговите обожаватели.
„Здрав сум и свеж, фала му на Бога“, напиша Конор во објавата од пред три дена кога исто така го стави извајаното тело во преден план.
Натпреварот, кој ќе се одржи на 10 јули во близина на Лас Вегас на УФЦ настанот 264, ќе биде трет дуел помеѓу Мекгрегор и Поарје.
На првиот, одржан во 2014 година, Ирецот славеше со технички нокаут, а Поарје возврати на ист начин пред четири месеци.
Инаку, победникот на овој натпревар може да биде следниот претендент за титулата во лесна категорија што од неодамна ја држи Чарлс Оливеира.
