Гостинскиот дрес на Мексиканците е целосно посветен на ацтечката култура - дизајнот вклучува пет различни специјални древни симболи.
Можеби Мексико никогаш не стигнал ниту до полуфинале на Мундијалите, но Мексиканците секогаш ги имале едни од најубавите дресови. Така ќе биде и на претстојниот Мундијал во Катар откако Мексиканската фудбалска федерација го презентираше гостинскиот дрес.
Дресот со бела пзадина и црвени шари е целосно инспириран од културата на Ацтеките, народ кој живеел на добар од дел од денешен Мексико пред шпанската колонизација.
Наречен Mixtec, дресот е направен од 100% рециклиран материјал и е дизајниран така што го претставува борбениот дух на ацтечките богови. На задниот дел од јаката е претставено змијоликото божество Кецалкоатл. ФМФ вели дека дизајнот претставува магија, моќ и поезија.
Фудбалерите овој дрес за прв пат ќе го облечат на претстојната пријателска против Пагарвај, која Мексико ќе ја игра утре после полноќ во Атланта, САД.
Дресот е изработен од Adidas и веќе е достапен за онлајн нарачки по цена од 50 фунти, односно 70 американски долари.
