Американскиот претседател Џо Бајден и германската канцеларка Ангела Меркел се согласија вчера дека заедно ќе се спротивстават на агресијата на Москва и антидемократската акција на Пекинг.
На почетокот на своето обраќање, американскиот претседател изрази сочувство за последиците од поплавите во кои загинаа и исчезнаа десетици луѓе во Германија и неколку европски земји.
Бајден рече дека ја пренел својата загриженост до германскиот канцелар заради изградбата на гасоводот „Северен поток 2“.
„Добрите пријатели не мора да се согласуваат за сè“, рече американскиот претседател.
САД тврдат дека проектот ја загрозува европската енергетска безбедност, бидејќи тоа подразбира потпирање на континентот кон руски гас, што може да му овозможи на Кремљ да изврши притисок врз одредени земји во Источна и Централна Европа.
Ангела Меркел посочи дека двете земји се за слободни демократски општества, зборувајќи за германскиот и американскиот став кон Кина.
„Начините на кои се справуваме со Кина се засноваат на вредностите што ги споделуваме со САД. Ние споделуваме меѓусебно разбирање дека Кина е наш конкурент“, рече Меркел.
Во врска со проектот за гасоводот „Северен поток 2“, канцеларката Меркел рече дека тоа е тема на која двете страни, како што рече, имале различни проценки.
„Нашите ставови се разликуваат. Германија ја смета Украина за транзитна земја“, рече Меркел.
Таа исто така посочи дека успешната борба против пандемијата значи најголем можен број на вакцинирани граѓани во одвете земји.
