Еден од најдобрите фудбалери на сите времиња, Лионел Меси, ноќеска беше стрелец во тримфот на Интер Мајами над Филаделфија Јунион, со што клубот на Дејвид Бејкам избори пласман во големото финале на американско-мексиканскиот Лигс куп.
Ова беше шести натпревар за Аргентинецот во неговиот нов клуб по доаѓањето од ПСЖ, а со оглед на тоа што досега на сите натпревари постигнуваше гол, не е изненадуваше што повторно се запиша во листата на стрелци.
Домашната мрежа ја начна Венецуелецот Хосеф Мартинес уште во 3. минута, а потоа Меси во 20-тата со прецизен удар од далечина го дуплираше водството. Овој гол е за него 9-ти во дресот на тимот од Флорида.
Аргентинскиот виртуоз доби топка на 30-ина метри од противничкиот гол, се намести и ја погоди малата мрежа од голот на јамајканскиот голман Андре Блејк.
Дилемата околу прашањето за победникот и дефинитивно беше решена во судиското надополнување на првиот дел кога гол првенец за својот нов клуб постигна Жорди Алба. Филаделфија успеа да намали преку Алехандро Бедоја во 73. минута, но десетина минути подоцна Хондуранецот Давид Руис ги постави конечните 4:1.
Со тоа Интер Мајами се избори за големото финале каде за пехарот ќе се бори со Нешвил, кој беше подобар од Монтереј со 2:0. Меси по неполни два месеца во новиот клуб има шанса да го освои својот прв трофеј. Финалето е закажано за 20 август рано утрото во 3 часот по македонско време. Ќе се иугра на „Жеодис Парк“ во Нешвил.
Уште поважно за Интер Мајами е фактот што со плчасманот во финалето, а без разлика на исходот таму, избори пласман во групната фаза од Лигата на шампионите на Северна Америка, нешто шпто сезонава преку МЛС тешко дека ќе го направи со оглед на тоа што е последен на табелата вои Источната конференција. Со доаѓањето ан Меси тоа многу веројатно ќе се промени, но за да дојде до местата пшто водат вои Лигата на шампионите едноставно има многу бодови за надоместување.
