Јавна тајна е дека многу луѓе навистина не ги сакаат видеоповиците бидејќи не сакаат луѓето да ги гледаат во различни „изданија“, а сега Meta понуди компромисно решение.
Meta претстави сет на алатки кои носат анимирани аватари во светот на видеоповиците. Компанијата наведува дека тоа е трета опција која си го најде своето место помеѓу гласовните и видеоповиците. Корисникот сега може да учествува во видеоразговори, но на другите учесници ќе им се прикажува само неговиот аватар. Опцијата е веќе достапна за корисниците на Messenger и Instagram.
Meta полека го префрла фокусот на својот систем за создавање аватари, а неодамна беше објавено дека корисниците создале повеќе од милијарда од нив. Креаторот на аватарот овозможува да се создаде речиси совршена дигитална симулација на лицето и телото на корисникот. Системот првично беше направен за употреба во VR апликации, но оттогаш се појави и на паметните телефони.
Треба да се каже дека креаторот на аватарот дозволува и „додавање“ нозе на аватарот, но тие нема да бидат видливи за време на видеоповиците. Од Meta велат дека постојано работат на подобрување на системот за создавање аватари и дека во наредниот период ќе пристигнат пореални и текстурирани анимации.
Дополнително, не постои правило дека дигиталниот аватар на корисникот мора да одговара на неговиот вистински изглед.
