Талентираниот напаѓач на Работнички ќе ја продолжи својата кариера во рускиот прволигаш Ростов, потврди самиот клуб.
Со само 18 години Тошевски го привлече вниманието кај македонската фудбалска јавност со своите настапи за клубот од скопско Дебар Маало. Млад, но висок и робусен, Тошевски правеше проблем во противничките одбрани чии искусни дефанзивци се мачеа борејќи се во дуелите со него. Од 23 натпревари во прекинатата сезона одигра 21 на кои постигна 5 голови и 3 пати асистираше. Родум од Скопје, производ е на акдемијата на Работнички.
Рускиот клуб објави дека потпишал 5-годишен договор со Тошевски кој на 16 јули ќе полни 19 години. Губењето на Давид за Работнички е удар, но иако непотврдено, чауриските муабети се дека „Романтичарите“ добро се опариле од овој трасвер, а се споменува сума од 900 илјади евра. Доколку сумата е навистина таа, тоа значи дека овој трансфер е рекордед за играч кој ја напушта македонската лига.
Работнички продолжува со истата стратегија, да продава млади играчи во странство. Последните добри трансфери кои ги направи клубот се оние на Ѓоко Зајков во француски Рен и на Елиф Елмас во турски Фенербахче.
Тошевски е и младински репрезентативец на Македонија настапушваше за сите генерации до У19, а има и еден настап за У20 репрезентацијата.
Ростов сезонава се бори за место во Лигата на шампионите, место кое си го загрози бидејќи во продолжението од сезоната имаше позитивни фудбалери на COVID-19 па голем дел играчите беа во карантин, а тмот настапуваше со младинци поради што загуби бодови.
