Лондонски Челси сака да го донесе Норвежанецот Ерлинг Холанд во своите редови и со тоа да ја комплетира серијата големи трансфери и да го направи еден од најсилните фудбалски тимови во Европа, пишуваат бројни европски медиуми.
Холанд веќе подолго време е на радарот на многу европски великани, особено откако се пресели од Салцбург во Борусија Дортмунд и покажа дека неговата игра не е случајност и дека тој е врвен напаѓач со огромен потенцијал.
Иако претходно беше поврзуван со трансфер во Реал Мадрид, а потоа и во Баерн, многу европски медиуми пренесуваат дека Челси во моментов е најголем фаворит за трансфер на Холанд и дека се подготвени да ѝ платат на Борусија 75 милиони евра, колку што би чинела неговата откупна клаузула во јуни 2021 година.
Клубот од Германија веројатно би побарал повеќе пари за услугите на Холанд доколку не постоеше спомената клаузула во неговиот договор, а на крајот, последниот збор сигурно ќе го даде овој млад Норвежанец кој ќе има право да избере кога станува збор за овој вид на набавка.
Goal пишува дека Лампард го гледа идеалниот напаѓач за својот тим во Холанд следната сезона и дека се очекува Оливје Жиру да го напушти клубот и со тоа да го отвори просторот за доаѓање на уште еден напаѓач.
Салцбург заработи 20 милиони евра за трансферот на Холанд, што беше цена за неговата откупна клаузула во тоа време, додека во тој трансфер неговиот менаџер Мино Рајола заработи неверојатни 15 милиони евра.