Пред три дена беше објавено дека акциите на Meta пораснале за 20%, пренесува The Wall Street Journal.
Цената на акциите се зголеми речиси тројно во текот на изминатата година. Пазарната вредност на Meta сега повторно надмина илјада милијарди долари, ставајќи ја на исто ниво со гигантите како Apple, Microsoft, Amazon, Nvidia и Google.
Инаку, компанијата на Марк Закерберг излезе од тој хиперуспешен клуб во 2021 година, кога Закерберг излезе во јавноста со планот за метаверзум - виртуелен свет во кој може да се влезе со помош на уред за виртуелна реалност. На стравот на акционерите влијаеше и промената на името од Facebook во Meta, како и зголемувањето на трошоците за околу 80%. Досега се покажа дека интересот на јавноста за виртуелната реалност е мал.
Во 2022 година, пазарната вредност на Meta падна за цели 78%, поради што Закерберг ја прогласи 2023 година за „година на ефикасност“, во која направи големи промени. Отпушти дури 22% од вработените.
Изгледа дека Meta заврши со штедење бидејќи ги зголемија очекуваните трошоци за две милијарди долари на нивниот состанок минатата недела, на 37 милијарди долари за оваа година.
Буџетот е зголемен бидејќи ќе купуваат сервери и други компоненти потребни за вештачка интелигенција. Закерберг рече дека планира да има околу 350.000 од најновите чипови Nvidia кои ќе ја напојуваат неговата мрежа до крајот на годината. Покрај Meta и Microsoft, Google и Amazon планираат да го зголемат буџетот за околу 10% со цел да развијат сопствени капацитети за користење на вештачка интелигенција.
Meta повторно вработува, главно програмери со долгогодишно искуство. Закерберг нагласи дека двата главни проекти и неговата долгорочна визија се метаверзумот и вештачката интелигенција.
