Локалната легенда вели дека бамбусовата шума настанала за да ги штити луѓето од зло.
На крајниот северозапад од јапонскиот град Кјото се наоѓа бамбусовата шума Арашијама, или Сагано како што уште ја нарекуваат. Уште од дамнешни времиња ова место било омилена дестинација на принцовите, кои тука доаѓале за да го пронајдат својот внатрешен мир. Денес е една од омилените туристички дестинации.
На само 30 минути возење од раздвижениот центар на градот се простира шума исполнета со високи стебла од бамбус од кои некои достигнуваат и до 40 метри во висина. Во одредени делови нивната крошна е толку збиена и густа што сончевите зраци не допираат до патеките кои се извртуваат наоколу. Сепак, она што најмногу маѓепсува во врска со оваа шума е - звукот.
Додека ветрот проаѓа низ густо збиените растенија, дрвјата се навалуваат и чкрипат, листовите шуштат, а стеблата се судираат создавајќи бавен мелодичлен звук. Тој е толку познат и важен за Јапонија што владата на оваа држава го има заштитено и прогласено за еден од стоте звуци кои мора да бидат зачувани.