Експертите ги советуваат трудниците да побараат информации, да се едуцираат или да посетат некаков курс на кој ќе се подготват за текот на бременоста и породувањето.
Тие се се осврнуваат на најчестите грешки кои многу трудници ги прават пред породувањето, а кои негативно влијаат на самото породување.
Тие велат дека генерално трудниците сè уште не се едуцираат или бараат информации на погрешни места, на пример на веб-форуми, Facebook групи, Google и слично. Во групите има поплава од секојдневни прашања за тоа како другите жени прават нешто, како им било, што треба да прават и слично... И тоа е најлошо од сè.
Причината е тоа што искуството на друга жена, нејзината приказна за раѓање или начинот на кој таа се породила ништо не ѝ значат на жената што го поставила прашањето. Тоа не може да биде никакво правило или стандард, освен што може да биде многу стресно и обесхрабрувачко за трудницата што го чита.
Бременоста трае девет месеци, што е доволно време силата и енергијата на идната мајка да се пренасочат кон едукација на вистинските места.
Има уште една грешка што ја прават многу трудници.
Вториот голем проблем е што голем број жени сè уште одат на породување сами, без никој да ги придружува, што мислам дека ниту една жена не треба да го прави, освен ако таа конкретно не го сака тоа.
