BMW X3 под кодно име G45 ќе ги задржи сите типови на погони во понудата.
Минатата година најпродаван модел на BMW беше X3 со над 350.000 продадени примероци. Така, X3 ја престигна познатата Серија 3. Затоа, не е чудно што Баварците решија да го задржат моделот во продажба и да го стават до моделите на Neue Klasse.
Новиот X3 пристигнува по седум години, а ќе ја користи истата платформа CLAR. Како и да е, менаџерот на проектот Мартин Делиц изјави за Autocar: „Реконструиравме многу елементи, вклучително и шасијата, за да обезбедиме уште поширок опсег на карактеристики на возење и дополнителна удобност при возењето. Електричната архитектура е исто така нова, што ни овозможува да понудиме поефикасни опции за возење и понапредни системи за помош при возење“.
Тоа ќе биде и првиот модел со нова номенклатура, кој повеќе не ја користи буквата „i“ во името на бензинските модели. Дизелите, пак, ќе го задржат „d“, а plug-in хибридите „е“.
Да, новиот X3 ќе ги нуди сите типови на погони, од xDrive 20(d) до верзијата M50, единствената со шест цилиндри. Кога станува збор за хибридот, тој добива поголема батерија од 18,9 kWh, а со тоа и зголемен електричен опсег. Секако, X3 M ќе дојде подоцна, а сите ќе можат да се пофалат со поаеродинамична форма со помала висина и поширока ширина.
Со должина од 4755 мм и ширина од 1920 мм, X3 порасна за 42 мм, односно 23 мм. Сепак, неговата висина е намалена од 1676 мм на 1660 мм. И покрај проширувањето, меѓуоскиното растојание останува 2865 мм, но трагите на предните и задните тркала се малку пошироки.
Зголемената вкочанетост, поголема трага на тркалата и опционална адаптивна суспензија ќе обезбедат подобри возни карактеристики во споредба со сегашната генерација.
Во кабината, пак, очекуваме дигитален кокпит со оперативниот систем OS9 и некои компоненти од серијата 5 На пример, воланот е познат од петте, а ќе биде и инспирација за изгледот на централната конзола. Поголем е и багажникот, за 20 литри до стандардните 570 литри.
Четвртото издание на популарниот BMW SAV ќе биде и технолошки најнапредно. Најавени се дури 40 системи за помош, вклучувајќи AR дисплеј и камера од 8 MP за препознавање објекти, заедно со дополнителни камери и ултразвучни сензори.
Цените и точниот датум кога ќе се појави на пазарот ќе бидат објавени подоцна.
