Ако сте престанале со пушење цигари или сте страстен пушач, овие намирници можат да го ублажат негативното дејство на цигарите и да започнат процес на чистење на организмот.
Брокула, карфиол, зелка
Освен што содржат полифеноли корисни во намалувањето на различни воспаленија во дигестивниот систем, исто така содржат и антиоксиданси кои го чистат телото од токсини.
Варете ги што пократко за да ги сочувате нивните вредности.
Зелен чај
Со пушењето телото ја губи потребната течност, па организмот побрзо доаѓа во состојба на дехидратација. Пиењето зелен чај, кој е преполн со антиоксиданси, е корисен начин да го исфрлите никотинот од телото.
Морков
Никотинот ја уништува кожата и ја прави безживотна и сува. Ако сакате да се ослободите од оваа нуспојава, јадете што повеќе моркови. Содржат голема количина витамини А, К, Ц и Б кои се главни чистачи на организмот.
Од морковот може да направите сок во комбинација со јаболко и лимон во соковник или да го рендате свеж во салата.
Киви, лимон и портокал
Содржат витамини А, Ц и Е кои го подобруваат имунитетот и помагаат организмот да се избори против различни инфекции и бактерии. За да ги надополните изгубените витамини јадете киви или испијте чаша лимонада.
Сокот од портокал го хидрира телото, ги дава сите потребни витамини и го чисти организмот од никотин. Исцедете два портокали, додаете малку вода и пијте го сокот меѓу оброци.
