Денеска во просториите на ФФМ се одржа жрепката за претстојната сезона во македонската втора фудбалска лига.
Откако почетокот на жрепката од 10:30 часот беше поместен точно на пладне на барање на два клуба кои во 5 за 12 ја уплатија котизацијата за учество, конечно со сите 16 екипи на број ФФМ го направи жребувањето.
Сезоната ќе започне в сабота, на 12 август, со сите натпревари закажани за 17:00 часот. Двојките за 1. коло се:
Башкими 1947 – Охрид
Победа – Тетекс
Осогово – Беса 1976
Беласица – Пелистер
Новаци – Арсими
Саса – Скопје
Детонит Плачковица – Вардар (Н)
Кожуф – Караорман
Има шест различни клубови од минатата сезона: Победа и Скопје испаднаа од 1.МФЛ, додека Башкими 1947, Новаци, Осогово и Вардар (Н) доаѓаат како победници од третите лиги.
На крајот на сезоната, првите две екипи изборат пласман во 1.МФЛ со тоа што третопласираната екипа ќе игра бараж против 10-то пласираната екипа од прволигашкото друштво. Последните две екипи (15-то и 16. место) ќе испаднат во третолигашките групи, додека 14-топласираната екипа ќе влезе во баражите за пополнување на 2.МФЛ сезона 2024/2025 заедно со победниците од петте третолигашки групи. Победниците од трите баражи ќе изборат пласман во втората лига.
Комплетниот распоред може да го симнете во PDF со клик тука.
