Како минуваат годините, приметливо е дека не старееме подеднакво. Некогашп може да минат дури и 10 години без значителни промени, а понекогаш ни се чини како да се сме остареле преку ноќ. Како што пренесува Nature Medicine, научниците со детална анализа на стареењето на протеините во плазмата идентификувале три етапи на стареење во човековиот животен век.
Истражувањето покажало дека човекот најмногу старее во годините 34, 60 и 78 од својот живот, според научната студија.
Промените се резултат на поместувањето на масата протеини во различни форми. Научниците ја анализирале крвната плазма на испитаници на возраст од 18 до 95 години, набљудувајќи ниво на околу 3 илјади протеини. За време на анализата приметиле дека 1.379 протеини варираат низ годините.
Сепак, нивоата на тие протеини за време на долги животни периоди се релативно константни. Научниците утврдиле дека до големи поместувања најмногу доаѓа во периодот на млад возрасен човек (34 години), доцната средна доба (60 години) и старосната доба (78 години). На експертите, засега, не им е јасно зошто и како тоа се случува, но сметаат дека ова истражување ги нагласува врските помеѓу стареењето и ситуацијата со крвта, што било воочено во претходните истражувања.
