Зимата дојде, јасно ни е што значи тоа. Почнува сезоната на настинки и грип, па воопшто не е ако зачестат вирусните инфекции со кашлање, кивање и висока температура.
Но, вирусите се присутни во текот на целата година, а луѓето најмногу се разболуваат во зима. Решението за оваа дилема го имаат научници кои во најнова студија ја открија биолошката причина зошто во текот на зимата почесто добиваме респираторни болести. Испадна дека студениот воздух го оштетува имунолошкиот одговор што се јавува во носот.
„За прв пат имаме биолошко, молекуларно објаснување во врска со едниот фактор нa нашиот вроден имунолошки одговор, кој се чини, е ограничен со пониските температури“, вели д-р Зара Пател, професорка по оториноларингологија и орална хирургија на Медицинскиот факултет на Универзитетот во Калифорнија, пренесе CNN.
Намалувањето на температурата во носот за само 9 степени убива скоро 50% милијарди клетки кои се борат против вируси и бактерии.
„Студениот воздух е поврзан со зголемена вирусна инфекција бидејќи во суштина сте изгубиле половина од имунитетот само поради тој мал пад на температурата“, вели д-р Бенџамин Блејер.