Познато е како едно од најстарите растенија чија употреба датира од далечната историја. Многу древни народи го користеле во исхраната и во лекувањето на здравствените проблеми.
Поточарката (лат. Nasturtium officinale) е скромно, но многу вредно растение. За нејзината хранлива вредност доволно говори и фактот што содржи поголеми количества железо од спанаќот и повеќе витамин Ц од лимоните и портокалите.
Многу древни народи ја користеле во исхраната и лекувањето. Хипократ го ценел ова растение и го препорачувал за лекување на белите дробови, забоболка, болести на грлото, гушавост и засипнатост. Кај старите Хелени, Египќани и Римјани, поточарката била позната како моќно средство за враќање на енергијата.
Египетските фараони им наредувале на своите робови секојдневно да пијат сок од поточарка за да ја одржат силата, а со тоа и продуктивноста. Сега, официјалното меѓународно истражување го прогласи ова лиснасто зелено растение за моментално најздравиот зеленчук на планетата, односно храна број еден.
Имено, според една неодамнешна студија, утврдено е дека поточарката го запира и го намалува оксидативниот стрес, а исто така ја прочистува крвта, го поттикнува апетитот и го чисти телото од токсини.
Многу луѓе пијат сок од поточарка многу често, а се препорачува да се пие разредена со вода во сооднос 1:5. Препорачаната доза е една чаша на неколку дена, не повеќе од тоа, бидејќи може да се појават несакани ефекти.
Сокот од поточарка може да се користи локално (надворешно) во третман на секаков тип на состојба на кожа и коса. Само втријте го сокот на погодените места или употребете го сокот во форма на облога и можете да го решите проблемот со опаѓање на косата и многу проблеми со кожата.
За облоги од поточарка, здробете неколку листови од ова растение и измешајте со алкохол, а потоа нанесете ја смесата на критичните места и завиткајте со завој. Оставете го компресот да делува неколку часа, а потоа отстранете го и исплакнете го местото со ладна вода.
Лековитите својства на поточарката се докажани во бројни светски научни студии. Еден од нив, објавен во престижниот British Journal of Nutrition, ги докажува лековитите својства на поточаркатас и нејзиното позитивно влијание врз ракот.
Потврдено е дека редовното консумирање на мали количини од ова растение може да спречи рак на простата и дебелото црево.
Истражувањата покажаа дека облогата од листови од поточарка е ефикасна за сузбивање на тумори на жлездите или лимфните јазли.
Професорот Грем Пакам од Универзитетот во Саутемптон е иницијатор на проект кој се обидува да ја докаже вредноста на поточарката во борбата против ракот.
Едно истражување го потврдува ефектот на поточарката врз ракот на дојката, но ова растение би можело да биде ефикасно и во лекувањето на други видови на рак.
Истражувањата покажаа дека поточарката содржи значителни количини на соединение наречено фенилетил изотиоцијанат (PEITC), кое има силни антиканцерогени својства.
Во врска со PEITC, Пакам изјави за Daily Echo:
„Бев изненаден што консумирањето само една порција поточарка може да резултира со производство на значителни нивоа на ова соединение во крвта“.
Воедно, на закоравените пушачи им се препорачува да земаат салата од поточарка бидејќи одлично делува и ги спречува штетните последици од пушењето.
Свежо исцедениот сок од поточарка е добро познат лек за лекување на бубрежни проблеми и кожни болести.
Ова растение е богато со витамин Ц и е одлична помош за зајакнување на имунолошкиот систем како и во борбата против хронични болести и воспаленија.
Познат е како ефикасен тоник за коса бидејќи го спречува опаѓањето на косата и го стимулира нејзиниот раст и густина.
Поточарката е одлична помош за детоксикација на телото, го забрзува чистењето на крвта, го стимулира мокрењето, ја подига енергијата и ги стимулира функциите на телото.
Неопходна е и во чистењето на белите дробови.
Меѓу народот е познато дека поточарката:
- ги ублажува респираторните заболувања
- помага при срцеви заболувања
- ги смирува проблемите со желудникот и цревата
- помага при заболувања на бубрезите и уринарниот тракт
- ја забрзува работата на метаболизмот
- ги чисти белите дробови и крвта
- помага при замор и исцрпеност
- поволно делува на дијабетес
- ја ублажува треската
- помага при заболувања на црниот дроб
- ги лечи проблемите со кожата
- го стимулира растот на косата
- ги ублажува ревматските заболувања
Заедно со брокулата, ротквиците, карфиолот, кељот, прокељот и зелката, оваа тревна трајна билка припаѓа на семејството на крстоцветни растенија.
Во народот е позната по многу имиња - водена кралица, дрезга, костриш, бобовец, угаш, крешун, ресник, водена режуха, гарбок, гардун, итн.
Познато е како водно растение, што апсолутно го оправдува фактот дека може да расте буквално во вода, без присуство на почва.
Нејзиното природно живеалиште се влажни водни терени - реки, потоци, извори. Успева само во чисти и незагадени области.
Сепак, без оглед на нејзината оригинална водна средина, многу е лесно да се одгледува во градината, па дури и во саксии на балконот.
Поточарката може да порасне до 1 m во висина и до 2,5 m во ширина.
Листовите ѝ се темнозелени, тркалезни, месести, сочни и мазни. Цвета од јуни до октомври, а цветовите се бели, ситни и густи.
Вкусот на ова растение е малку горчлив, сличен на вкусот на ротквица. За време на цветањето, вкусот на растението се засилува и станува поинтензивен и погорчлив.
Затоа е најдобро да се бере и консумира во рана пролет, пред да процвета.
Искористете го богатството скриено во ова прекрасно и нежно растение и вклучете го во вашето мени.
Можете да го користите за подготовка на сокови од зелена каша, салати и пити.
Таа е одличен прилог за главно јадење, а може да биде и одличен додаток на супи и чорби, или сендвичи.
