Највозбудлив натпревар во синоќешната НБА програма беше оној меѓу Торонто Репторс и Индијана Пејсерс, кој беше прекинат цел час поради пожар и евакуација на публиката.
Пожарот се случи во првата четвртина од натпреварот во Scotiabank Arena во Торонто, а бил предизвикан од електричен дефект на звучникот во арената, по што публиката беше евакуирана.
Екипите го напуштија теренот во 4:05 минута од втората четвртина со водство на Репторс од 66:38, а на крајот Торонто славеше со високи 131:91.
Најдобар играч во победничкиот тим беше Паскал Сијакам со 23 поени, а Скоти Барнс додаде 19 поени. Кај Индијана најдобар беше Ошае Брисет со 21 поен.
Торонто моментално е шести на Истокот со сооднос победи-порази 42-32, додека Индијана е на 13-та позиција.
Од синоќешните натпревари, вреди да се напомене дека Мемфис Гризлис ја забележаа седмата победа во низа на домашен терен, совладувајќи го Милвоки Бакс со 127:102.
До победата ги предводеше Де’Ентони Мелтон со 24 поени, додека кај Бакс најефикасен беше Јанис Адетокумбо со 30 поени и 11 скока.
Њу Орлеанс Пеликанс - Сан Антонио Спарс 103:107
Орландо Меџик - Сакраменто Кингс 110:114
Торонто Репторс - Индијана Пејсерс 131:91
Кливленд Кавалирс - Чикаго Булс 94:98
Мајами Хит - Бруклин Нетс 95:110
Мемфис Гризлис - Милвоки Бакс 127:102
Денвер Нагетс - Оклахома Сити Тандер 113:107
Портланд Трејл Блејзерс - Хјустон Рокетс 98:115.